أسرع حل لقرحة الفرآش جرب 100%

السلام عليكم
ان شاء الله الكل يستفاد ويفيد اى شخص بيعنى من المرض دة
انا والد زوجى كان عندة جلطة ومع مرور الوقت وصل لمرحلة انه مبيتحركش وطبعا حصل قرح المهم علشان مطولش عليكم ربنا جاب فطريقنا الوصفة دى وهى وصفة تركية واقسم بالله تانى ان قرحة من القرح انا شفت العضم بتاعة وسبحان الله اتكسى لحم فى اقل من اسبوع ومقادير الوصفة
1زيت زيتون للعلاج بدون ريحة الكمية قد زوجاجة الدواء
2 مستكة تركى هما اقل حاجة بيدهالك العطار ب8 جنيةهما دول
3 شمع اسكندرانى للعلاج برضو
الطريقة
اول حاجة يجماعة لازم وضرورى نتوضا ونصلى ركعتين وبعدين ندعى للمريض بالشفاء تعالى معايا نبتدى الطريقة
1 نجيب طبق المونيوم نضيف او طاسة وتكون نضيفة جدا ويستحسن نسخن فيها شوية مياة كدة قد معلاقتين لحد ما تشربه الطاسة من كتر السخونة علشان نضمن نظافة الطاسة وتعقيمها بعدين نخلى الطاسة على اصغر عين بتوجاز يعنى على اهدى عين وفضى الزيت كلة فالطاسة وندقق النظر فية كدة وهو على النار لحد ما نلاحظ ان الزيت هيبتدى يقلب ويطلع منه دخان اول ما يطلع دخان بسيط ننزلة من على النار ونفضى فية كيس المستكة التركى ونقلب لحد ما تسيح كلها وبعدين نقطع من الشمع الاسكندرانى قطعة بحجم ((مرقة الدجاج)) وبعدين نحطها فالزيت لحد ما تسيح كل دة والزيت مش على النار نركز شويا وبعدين نختبر الخليط على رخامة زى ما بنختبر السويت بالظبط لو لقيتها محتاجه تجمد اكتر زودى قطعة شمع بس تكون صغيرة جدا علشان ما ينشفش معاكى وبعد كدة نصفى الخليط بمصفى صغيرة علشان بيكون فية رواسب من المستكة ونعبية فبرطمان بعد ما يبرد بخمس دقايق يوضع فالتلاجة
الاستعمال
نعمل قطعة شاش على 3 طبقات قد مكان القرحة ونملها من المرهم ننظف القرحة بديتول ونوضع الشاشة بالمرهم عليها مع شريط بلستر ومنكترش البلستر علشان منزودش القرحة وان شاء الله بالشفاء وامانة منكم الدعاء لى بالذرية الصالحة وراحة البال وربنا يشفى مرضنا ومرضاكم اجمعين
ومتنسوش يا جميلات التقيم بالله عليكم